भारत विजयी

दिल्लीत चालू असलेल्या डेविस कप टेनिस स्पर्धेच्या आशियाई गटात भारतीय जोडी लियांडर पेस आणि महेश भूपती यांनी दुहेरीत जपानवर मात करत भारताला निर्णायक आघाडी मिळवून दिली. काल दोन्ही एकेरी सामने भारताने जिंकले होते. लियांडर आणि महेशने सुरेख खेळ करत पहिला,तिसरा आणि चौथा सेट जिंकला. या विजयाने डेविस चषकातील विजयी परंपरा या जोडीने कायम राखली. डेविस चषकात खेळल्या गेलेल्या २३ दुहेरी सामन्यांपैकी पैकी २१ सामने या जोडीने जिंकले आहेत. भारताने जपानवर ३-० अशी निर्णायक आघाडी घेतली आहे.